شكرا على الموضوع الجميل دة ياأستاذ سبعاوى
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
أرجو قبل قراءة هذة الرسالة قراءة الموضوع (شرح مبسط لكيفية عمل المحرك) لان هذة الرسالة مبنية عليها
بعد ان تعرفنا على كيقية عمل محرك السيارة وفكرته المبنية على سحب كميات بسيطة من الوقود وخلطها مع الهواء ثم ضغطها وإشعالها و ألإستفادة من الضغط الناتج من تمدد الخليط فى تدوير المحرك والسيارة، نبدأ فى التعرف على الأجزاء الميكانيكية التى يهذة المهمة: والأسماء التى يستعملها الفنيون فى مصر لهذة الأجزاء
إذا نظرنا الى المحرك من اعلى الى اسفل فسنجد انه مكون من ثلاثة أو اربعة كتل إحداها فوق الأخرى ومربوطة ببعضها(ملحوظة، كل ما سنقوله عن شكل المحرك لا ينطبق على الفولكس بيتلز القديمة لأن لها تصميم مختلف الى حد ما)، ولكن يمكن تقسيمه الى جزئين اساسيين، البلوك، وهو يمثل النصف السقلى للمحرك ومصنوع من الحديد ولونه رمادى غامق يميل الى لون الصدأ احيانا، ومربوطة فيه من أسفل كارتيرة الزيت(وعاء تجميع الزيت) وعادة تكون مصنوعة من الصاج ومدهونة بالأسود،اما النصف العلوى للمحرك فهو الجزء المسمى وش السلندر ومصنوع من سبائك الألومنيوم(الأنتيمونيا) واحيانا يكون اعلاه جزء اخر يسمى بيت الكامة( وهذا يوجد فى السيارات ذات عمود الكامة العلوى المنفصل) وفي اعلاه يوجد غطاء يغطى مكان الكامة او التاكيهات او الإثنين يسمى غطاء التاكيهات، يصنع فى بعض الموديلات من الأنتيمونيا (الشاهين 1400 مثلا) كما يصنع فى موديلات اخرى من الصاج(لانسر كريستالة مثلا) وفى موديلات اخرى من البلاستيك(لانوس مثلا)
نمسك الأجزاء دى حته حتة ونسمى القطع الموجودة فيها، لو احنا فاكرين فى الرسالة السابقة لما حكينا عن الحقنة الطبية ذات الفتحتين من اعلى واللى متركب فيها ولاعة بوتاجاز من فوق، لو احنا حبينا نعرف ايه اللى موجود من الحقنة دى فى البلوك وايه فى وش السلندر، هنلاقى ان البلوك عبارة عن مجموعة تجاويف الحقن دى،يعنى احن لو فكينا البلوك وشفناه لوحدة هنلاقى انه عبارة عن كتلة معدنية مستطيلة الشكل تقريبا فيها اربعة تجاويف إسطوانية كبيرة نافدة من فوق لتحت ممكن تعدى ايدك من اى تجويف منها حواليها تجاويف تانية اصغر مختلفة الأشكال، التجاويف الإسطوانية الكبيرة دى لو دققت فيها هتلاقى انها عبارة عن اسطوانات معدنية متركبة فى جسم البلوك نفسة، كأن كل واحدة منها ماسورة إسطوانية متبيته تجويف أوسع فى جسم البلوك، طيب لية معمولة مواسير كدا ومش عاملن خرم فى جسم البلوك وخلاص، علشان البلوك معمول من الزهر والزهر مايستحملش الضغط والنار اللى بتبقى فى غرف الحريق دى فنركب جواه الإسطوانات المصنوعة من الصلب الكربونى دى، كل واحدة من الإسطوانات دى إسمها شميز والكلمة دى اصلها فرنساوى زى كل المصطلحات القديمة بتاعة العربيات، وكلمة شميز بالفرنساوى معناها قميص على حد علمى، الإسطوانات او شمايز دى هى اللى بتركب جواها البستم(تحريف مصرى لكملة pisotn) اللى شرحنا دوره فى الرسالة الماضية، يعنى البلوك متركب فيه أربعة شمايز، كل شميز فيه بستم، والبستم بيبقى على شكل إسطوانة مصنوع من الأنتيمونيا،ليه انتيمونيا مش حديد؟ علشان وزنها خفيف وبالتالى حركة البستم طالع نازل ماتسحبش كتير من طالفة المحرك، لكن الأنتيمونيا لا تتحمل الأحتكاك بجدران الإسطوانة(الشميز) وهتتنحل بسرعة، علشان كدة البستم مش هوا االلى بيكون ملامس لجدران الإسطوانة(الشميز) لكن البستم بكون قطره اقل حاجة بسيطة(جزء من المللى متر) من القطر الداخلى للشميز، والبستم بيكون فيه من الجانب تلات تفريغات تحت بعض، كل تفريغ منها واخد جدار البستم داير مايدور، إرتفاع كل تفريغ حوالى 3 مللى وعمقة برض حوالى 3 مللى، التفريغات دى بيتركب في كل واحد منها غويشة صلب، الغويشة دى بيكون قطرها قد قطرالشميز الداخلى بالضبط، الغوايش دى بنسميها شنابر جمع شنبر وبرضه هى كلمة مقتبسة عن الفرنساوى، والشنابر دى هى اللى بتحبك الحريق والضغط فوق البستم وتمنعه من الهروب لغرفة الكرنك والزيت اسفل البستم، وهى برضه اللى بتمنع دخول الزيت الى غرفة الحريق اعلى البستم، علشان كدة لما المحرك يقدم والشانبر تتآكل الضغط بيهرب الى غرفة الزيت والزيت بيدخل الى غرفة الحريق ويتحرق مع الوقود ويطلع من الشكمان فى شكل دخنة بيضا ويقال ان الموتور فاوت، وفاوت معناها انه بقى منفد من فوق البستم لتحت البستم
بعد ما خلصنا اسماء الأجزاء الموجودة داخل غرفة الإحتراق(البلوك، الشميز، البستم، الشنبر ، نكمر رحلتنا مع باقى الأجزاء الموجودة فى البلوك،فى شرحنا لفكرة عمل المحرك فى رسالة(كيف تعمل السيارة:1- شرح مبسط لكيفية عمل المحرك) اتفقنا ان البستم له دراع نازل منه ، متوصل فى البستم بمفصلة تسمح للدراع دا انه يروح وييجى زى البندول، المقصلة دى اسمها البنز ومصنوعة من الصلب وبتبقى بايتة فى تجويف خاص بها فى البستم وراكب فيها الدراع اللى اسمه البييل( بتتنطق بى-ييل) ، البييل راكب من طرفة السفلى فى عمود الكرنك، بس مش بيكون راكب فيه مباشرة، بتككون فيه بينهم غويشة دائرية راكبه على الكرنك وراكب عليها البييل، الغويشة دى اسمها السبيكة ووظيفتها انها تحمى الكرنك والبييل من التأكل، أسفل الكرنك يوجد وعاء الزيت اللى بنفول عليه كارتيرة الزيت، وبتكون فيه طرمبة الزيت المسئولة عن سحب الزيت من الوعاء وضغطه الى كافة الأجزاء المحتاجة تزييت فى العربية، والكارتيرة بيكون فيها من اسفل طبة(صامولة مصمته) وظيفتها تفريغ زيت العربية لما نفتحها ساعة غيار الزيت
عمود الكرنك بكون فى طرفه الأمامى طنبورتين(طنبورة =طارة=حاجة مدورة بيركب عليها سير) ، الطنبورة الداخلية ودى بيركب عليها سير الكاتينة اللى بيشغل عمود او عمودين الكامة و عمود الإسبراتير(دورهم جاى ماتتخضوش من الأسماء)، دى عادة بتكون مسننة ومتدارية هى وسير الكاتينة داخل غلاف بلاستك او معدن اسمه وش التقسيمة بيكون مغطى مجموعة الكاتينة، الطارة اللى من برة بيكون فيها مجرى واحد او اتنين او تلاتة حسب عدد السيور اللى هاتركب فيها، ودى مسئولة عن تغدية الدينامو وطرمبة المية والتكييف إن وجد وطرمبة الباور ستيرنج إن وجدت.
اما من الطرف الأخر من عمود الكرنك بتكون راكبة فيه العجلة الحدافة ولها إسم تانى هو الفولام(تنطف بحرف V الإنجليزى) و هى على شكل ترس قطرة من 30 الى 40 سم ومسننة ولها وظيقتين، الأولى الحفاظ على سرعة دوران ثابتة للمحرك بدون رعشة نتيجة لقوة إندفاعها ، الحاجة التانية ان هى دى الجزء من المحرك إللى المارش بيعشق فيه لحظة تدوير السيارة(المارش هو المحرك الكهربى الصغير الذى يدير محرك العربية كما شرحنا فى رسالة شرح عمل المحرك).
ننتقل بعد كدة الى وش السلندر، احنا اتفقنا ان وش السلندر فيه صبابات، لو كل سلندر له صباب واحد للبنزين وآخر للعادم يبقى عندنا 8 صباب لكن لو كل سلندر له 2 صباب للبنزين و2 للعادم يبقى عندنا 16 صباب
كل صباب له قاعدة صباب عبارة عن حلقة معدينة بياتة فى وش السلندر، وكاوتش صباب، وسوستة صباب، عمود الكامة لو هو من النوع over head cam يبيكون فيه بينة وبين الصباب قطعة معدنية على شكل كباية مقلوبة بنسميها كستبان، داخل هذا الكستبان يوجد طبق من الصلب هو اللى بنغيره ساعة ضبط التاكيهات، لو الكامة مش over head cam بيكون بينها وبين الصباب رافعة من النوع الأول تسمى تاكيه
دايما وش السلندر بيكون متغطى بغطاء صاج او بلاستيك لمنع تسرب الزيت وفيه بينه وبين جسم وش وش السلندر جوان
( :@: ) سبعاوى
رقم العضوية : 181
تاريخ التسجيل : 25Apr2007
المشاركات : 351
الاقامة : المنصورة
الحالة :
شكرا على الموضوع الجميل دة ياأستاذ سبعاوى
http://www.realdes.net/islamsignature/coc/1.gif
قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلاقِيكُمْ ثُمَّ تُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ
http://www.mitsubishi-motors.com.eg/speedometer.gif
رقم العضوية : 475
تاريخ التسجيل : 05May2007
المشاركات : 8,407
النوع : ذكر
الاقامة : الأسكندرية
السيارة: I30 & Megane estate
السيارة[2]: E36 Coupe 328i
دراجة بخارية: .
الحالة :
الف شكر يا سبعاوى على الموضوع الجميل دة
الحمد لله[sor2]http://farm3.static.flickr.com/2639/3939929853_4547d6e150.jpg[/sor2]
رقم العضوية : 1046
تاريخ التسجيل : 19Jun2007
المشاركات : 441
النوع : ذكر
الاقامة : 6 اكتوبر
السيارة: Proton - SAGA Automatic
السيارة[2]: KIA - Picanto
دراجة بخارية: no
الحالة :
الف شكر يا باشا
بس اقتراح صغير لو فيه بس صور توضيحية توريلنا بشكل افضل
انا واحد من الناس خبرتي محدودة و الصور هاتفرق كتير معايا عشان افهم الجزء اللي بتتكلم عنه فين
شكرا بجد مرة تانية
رقم العضوية : 1614
تاريخ التسجيل : 29Jul2007
المشاركات : 17
النوع : ذكر
الاقامة : القاهرة
السيارة: colt
السيارة[2]: colt
دراجة بخارية: no
الحالة :
ألف شكر يا باشا بس لو فيه صور يبقى كتر خيرك
:roll:
رقم العضوية : 9783
تاريخ التسجيل : 29Apr2008
المشاركات : 530
النوع : ذكر
الاقامة : Shikh Zayed
السيارة: Suzuki Maruti
السيارة[2]: FIAT Regata
دراجة بخارية: No
الحالة :
الموضوع قديم بس أنا جايب فيديو عن كيفية عمل المحرك وهو علي الرابط التالي
http://rapidshare.com/files/11180883...ideo_xvid.rmvb
أرجوا من الأخ سبعاوي أو أي متطوع ياأخذ منه صور ويشرحها عشان الموضوع يكمل
وشكراً علي الموضوع الجميل المبسط
رقم العضوية : 10711
تاريخ التسجيل : 15May2008
المشاركات : 276
النوع : ذكر
الاقامة : cairo
السيارة: الحمد الله
السيارة[2]: كارينز
دراجة بخارية: لا
الحالة :
جزاك الله خيرا يا اخ سبعاوى و لكن الشرح مع الصور يجعل الموضوع اكثر افادة
ال أخبرني سويد بن النعمان قال خرجنا مع رسول الله صلى الله عليه وسلم عام خيبر حتى إذا كنا بالصهباء صلى لنا رسول الله صلى الله عليه وسلم العصر فلما صلى دعا بالأطعمة فلم يؤت إلا بالسويق فأكلنا وشربنا ثم قام النبي صلى الله عليه وسلم إلى المغرب فمضمض ثم صلى لنا المغرب ولم يتوضأ (صحيح بخارى )
رقم العضوية : 8039
تاريخ التسجيل : 27Mar2008
المشاركات : 10
النوع : ذكر
الاقامة : شبرا
السيارة: لا يوجد
السيارة[2]: ميجان
دراجة بخارية: لا
الحالة :
الله عليك ... الله عليك يا شيخ و الله ربنا يجعله ان شاء الله فى ميزان حسناتك
انت ابدعت يا سبعاوى الحاجات اللى كانت طلاسم بالنسبه لنا اصبحت متعه لما قرأنا كلامك مش هاقولك كلامك متعه ..... هاقولك انت نفسك متعه .... اى و الله
اخوك
عمرو فكرى
رقم العضوية : 12991
تاريخ التسجيل : 15Jun2008
المشاركات : 14
النوع : ذكر
الاقامة : elharam
السيارة: waiting
السيارة[2]: Daihatsu sirion 2008
دراجة بخارية: waiting
الحالة :
علي فكره بقي
انت برنس بجد
رقم العضوية : 2817
تاريخ التسجيل : 27Oct2007
المشاركات : 229
النوع : ذكر
الاقامة : Damietta
السيارة: OPEL VECTRA
السيارة[2]: VW BORA
دراجة بخارية: لا
الحالة :
موضوع جميل ..........
ممكن حد يجيب ليا واصلة الموضوع الاول:)
اللهم بارك لنا فيما رزقتنا و قنا عذاب النار............
اللهم بارك لنا فيما رزقتنا و هب لنا من لدنك رحمة...
مصطفي المنسي:)
المفضلات